以文本方式檢視主題 -  佛網Life論壇  (http://buddhanet.idv.tw/aspboard/index.asp) --  超心理科學版（Life論壇）  (http://buddhanet.idv.tw/aspboard/list.asp?boardid=6) ----  【轉貼】旺角一大型商場怪事您是第 25個瀏覽者  (http://buddhanet.idv.tw/aspboard/dispbbs.asp?boardid=6&id=10642)

--  作者：貞子 --  發表時間：2008/2/1 上午 01:10:12 --  【轉貼】旺角一大型商場怪事您是第 25個瀏覽者 我有個朋友o係旺角某間大型商場度做維修,都係夜晚商場關門之後先返工, 前排果個商場發生左罕見意外,有人從高處墮下死亡...亦因為甘我朋友果幾日都好忙, 因為要整返好D玻璃同圍欄,而奇怪既事亦不停甘發生...D維修師父唔係無拉拉跌親就係無端端 有D木板或者盒跌落黎整親...搞到D師父每晚開工前又要上香又周圍拜,開頭佢都唔為意,直到有次佢 老細同佢o係附近既一間24茶樓食宵夜,其中一個師父話要趕埋D手尾半個鐘後過去,但一個鍾之後都無聲無影, 於是打比個師父問下,個師父話揾來揾去都揾唔到間茶樓,已經揾左成十五分鐘,老細叫佢去問人(因為間茶樓都 幾多人識),師父話成條街都係人,但無人知道o係邊(注意既係果陣已經凌晨兩點幾)老細叫佢問警察,佢都話問過, 但個警察竟然話連廣東道o係邊都唔知!再半個鍾後師父都係揾唔到o係邊,於是老細叫佢揾個途人比部電話佢,等 老細同佢講間茶樓o係邊,個師父叫佢等等,因為截左個途人,但個老細喂左好耐都無人應佢,之後個師父聽返電話 話果個"人"已經教左佢點去,就甘收左線..我個FD同老細即刻呆左一呆,以為個師父玩野,但十五分鐘後都係影都無隻, 所以我個FD落左去打算揾佢,但一落到去就見到個師父o係個街角位行來行去周圍揾,我個FD走過去拍一拍佢,個師父 先見到佢,仲話頭先成街都係人但都無人識呢度,我個FD都唔知點答佢.....我個FD同我講返呢件事我都起晒雞皮...我唔知 呢件事係真係假,我都只係想同大家分享一下~